امين شرطة يفقأ عين مواطن فى المعصرة : التفاصيل الكاملة يكتبها شقيق الضحية المحامى رمضان محمد

أخويا خرج من العمليات النهاردة كان بيعمل عملية عشان الكسر والنزيف اللي كان عنده في الجمجمة .. والدكتور بلغني أن في انفجار في قاع العين
ملخص القصة :

helwan (2)

 

helwan.

helwan

كعادتهم ( أمناء الشرطة ) حاسين أن وظيفتهم هتحميهم من أي حساب او حتي مساءلة قانونية وهيقدروا يبلطجوا علي الناس براحتهم من غير ردع
” جلال محمد عيد محمد ” ساكن جنبي بقا أمين شرطة ومن وقتها بدأ يتعامل ب عجرفة ويفتعل مع والدتي وأخواتي ومرات اخويا المشاكل من خلال امه واخواته .. اكتر من مرة يغلطوا في أخواتي ويحاولوا يعتدوا عليهم ونرجع للناس الكبيرة اللي ف عيلته ومايحلوش حاجة ولا يمنعوه من غلطه

 

 


من 4 أيام تكررت واقعة الاعتداء دي منه علي والدتي وأخواتي البنات وشتمهم بألفاظ قذرة فاخدتهم ورحت علي قسم المعصرة عملت محضر ثبت فيه واقعة الاعتداء دي وتاني يوم وكالعادة بنكلم أبوه انا واخويا وبنقوله عيب بتعدي علي بيت كله ستات ورجالة البيت مش موجودين وف شغلهم أصر أنه ماغلطش وبدأ يزعق ونزل هو وأخواته ولقيناهم بيشتموا وفي ااقل من دقيقتين كان جايب سلاح وبلطجية اكتر من 40 بلطجي وبدأ يعتدي عليا انا واخويا وجه واحد قريبه ” امين شرطة برضو اسمه ( أيمن شعبان محمد محمود ) ”

 

 

وطلع طبنجة وبدأ يضرب نار ناحيتنا .. حاولت أحمي والدتي وأخواتي البنات اللي كانوا البلطجية ب يعتدوا عليهم .. وكانت النتيجة مجموعة جروح وكسور وكدمات في جسمي كله
ومالحقتش أدافع عن اخويا قبل مالبلطجي ده “جلال أمين الشرطة ” يضربه ب السنجة علي دماغه فوق عنيه اليمين ويسببله كسر مضاعف ف الجمجمة وانفجار في قاع العين

 

 


عملت كل الإجراءات القانونية اللازمة بالرغم من التهديد اللي واجهته من الداخلية والبلطجية لاثنائي عن تحرير المحضر وتعطيل عمل التقارير الطبية والتهديد بحبسي بادعاء إني إخوان و 6 أبريل وكذا وكذا وكذا .. لكن انا مش هتنازل ومش هسيب حق أخويا مهما ساوموني او هددوني
بيحاولوا يعطلوا اي إجراء لمحاسبة أمناء الشرطة الإتنين. . محتاج ضغط عليهم عشان اجبرهم يحاسبوا العيال دي ..

الراسل : رمضان محمد المحامى

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*