مخالفات فى شوارع حلوان يتغاضى عنها رئيس الحى وشرطة المرافق فى حلوان

helwanدى صورة من صور التسيب اللى موجودة فى حى ‫#‏حلوان‬ وشرطة المرافق
الراجل صاحب المحل دة أخد جزء من الشارع وعمل فراشة علشان يبيع من خلالها فى شهر رمضان : ماشى
بيقول انه واخد تصريح من حى حلوان : هنقول برضوا ماشى وهنحاول نصدقة يمكن يطلع صادق
لكن اللى مش من حقة انه ياخد قدام بوابة البيت اللى جنب المحل ويسدها بالفراشة بتاعتة خاصة ان مدخل البيت دة احدى سيدات الخير فى حلوان عاملة مشروع اسمة فاعل خير لمساعدة الفقراء والمحتاجين بملابس ومستلزمات مدارس وسلع تموينية يتم توزيعها على المحتاجين بالمجان والمشروع دة نفع ناس كتير من فقراء حلوان


دة حتى لومكنش فى مدخل البيت دة أى مشروع خيرى برضوا نؤكد ان مش من حق صاحب محل علاء الدين اللى فى شارع المراغى وعلى بعد خطوات من ميدان المحطة انه يسد بوابة عمارة زى مافى الصورة رقم واحد كدة
المهم الست المحترمة صاحبة العقار صعدت الموضوع واشتكيت قام صاحب المحل عامل اللى فى الصورة رقم 2 دى

 


ولاهامة حاجة اسمها حى حلوان ولاحاجة اسمها شرطة مرافق فى حلوان لأن محدش سألة انت بتعمل ايه
للأسف حقيقة موجودة الأن فى حلوان واللى مش مصدق يقدر يتمشى لحد هناك ويشوف الوضع بعنية
العقار رقم 35 أش المراغى .. العمارة اللى كان فيها البنك الاهلى القديم .. والمحل المخالف هو محل علاء الدين

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*