شكوى ضد الدكتوره ناهد الكتتبي طبيبة نساءوولادة فى حلوان تتهمها بالاهمال

atebaa helwanننشر هذه الشكوى دون تعديل ودون أى تدخل منا : ونؤكد : بأن حق الرد مكفول لكل الأطراف

انا عايزه احكي مشكلتي مع دكتوره ناهد الكتتبي ودكتور محسن جوزها نسا وولاده فوق طاطا فرع حلوان. كنت حامل في الشهر ٨ وكنت متبعها عندها فتره الحمل كلها والمفروض ان ضغطي كان كويس طول فتره الحمل حسب ما كانت بتقيسلي طول الفتره ٨ شهور الحمل وكنت بسمع كلامها في كل شي من علاج للتحاليل ل اي حاجه تقول عليها عشان ده اول حملي وكنت بشوف كلامها لازم يتنفذ.

اول ما دخلت الشهر ٨ قالتلي لازم ناخد حقنه الرئه البيبي عشان تكتمل اخدتها الاربعاء والخميس والجمعه ، والسبت الساعه ٥ المغرب نزفت نزيف غريب كتل دم كلمت دكتوره ناهد انا بنزف حضرتك اعمل ولا اروح فين قالتلي اطلعلي علي العياده جوزي هناك هيشوف حالتك طلعت هناك جوزها كشف عليا قالي البيبي عايش بس اطلعي بره

 

نص ساعه لو النزيف وقف هتولدي قيصري خرجت برا نص ساعه اكلم الدكتوره وكنت بتحايل عليها تيجي تشوفني هيا المتبعا حالتي وعارفه فيا ايه كويس وغير ده كلو انا عايزه حضرتك تولدني المهم ولا عابرتني ولا رضيت تيجي العياده.نص ساعه وجوزها جالي تاني وقالي انتي لازم تتروحي مستشفي فيها نقل دم عشان انتي بتنزفي كتير وهناك هتخدي حقن تثبيت حمل وهناجل الولاده شويه لحد معادها طيب يا دكتور نطلب اسعاف لا لا لا هتروحي من حلوان للقصر العيني او مستشفي عين شمس في العربيه عادي ازاي يا دكتور انا بنزف والاسعاف من جواا في اسعافات اوليه علي الاقل توقف الدم .

 

 

قال لا مش محتاجه اي حاجه غير عربيه طيب لو سمحت يا دكتور عايزه المتابعه بتاعتي عشان فيها كل تشخيص حالتي اعقدنا ساعه بنطلعها ونزلت وانا بنزف والحمد الله اتاخرت في الطريق ساعتين والبيبي مات في بطني عشان جالي تسمم حمل بسبب ان كان في ضغط حمل وضغطي كان اليوم ده ١٧٠.وهيا كل ده مش بتقيس صح وكمان اخر حقنه اخدتها للرئه البيبي فيها كورتزون بيعلي ضغط.الحمد الله وقدر الله وماشاء فعل وده نصيب ومكتوب بس لازم احذر الناس

 

 

اولا : الممرضات مش بيقيسو الضغط كويس والدكتور عارفه بدليل ان عندها جهاز ضغط نضيف في اوضتها بتقيس بي بس فين وفين. ليه مش تتقي ربنا وتخرج للناس الي براااا الجهاز النضيف ثانيا:الاهمال في تاخير المتابعه بتاعتتي لحد ما لقتها والي حصل عندهم يوم النزيف بتاعي مش قادر يطلب عربيه اسعاف او يجي معانا واتصل عليها واتحايل عليها تيجي تشوفني ولا تعبرني وتقولي هتولدي قيصري متخفيش ولما روحت المشستشفي ولدت البيبي ميت طبيعي الحمد الله عشان لو كنت ولدت قيصري كان الرحم هيتشال. حسبي الله ونعم الوكيل فيهم منهم لله

مقدمى الشكوى

ندا محمد عزام

مجدي محمد شرف

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*