حكاية القرار الحادى عشر لوزيرقطاع الأعمال ووداعا للمستشارين : بقلم احمد فاوى الضبع

ahmed fawyتعليمات الدكتور أشرف الشرقاوى هى كلمة السر هذه الايام فى وزارة قطاع الأعمال العام والشركات التابعة طبعا هى تعليمات غريبة على الجميع وخاصة رؤساء الشركات القابضة والتابعة أشرف الشرقاوى وزير قطاع الأعمال

 

يعنى أيه الكلام ده يعنى هيكلة ودمج وإصلاح وتطوير … يعنى راجل إقتصادى وإدارى من الدرجة الأولى وممكن تكون قراراته غريبة على الناس والقيادات اللى عاشت فى المطبخ لمدة سنين

 

لكن مفيش فايدة إلا من تنفيذ تعليماته حرفيا … والراجل قال من البداية علشان العمال ميرحش تفكرها بعيد كده ولا كده … يعنى مفيش بيع ومفيش خصخصة وكمان مفيش تعيين إلا بعد الإصلاح والتطوير ولو حد عاقل وفكر لحظة يبقى كلامه صحيح … يعنى حيعين فى منشأت ميتة بتجيب مرتبتها بالعافية

 

لغاية ما جه القرار (11) للوزير واللى أنا شخصيا سميته تشجيع الصف الثانى للقيادات الشابة الفاهمة مش قيادات ثورية … والموضوع بالبلدى إن أى إدارة عندها عجز فى أى قطاع طبعا عجز قيادى وأنت بتضطر أنك تجدد لمستشارين … يبقى تبعتلى مهندسين شباب دول أو العمال للتعليم فى برنامج ( إعداد القادة ) أى كم وأى عدد وبكده أنت حتخلق صف ثانى وثالث ورابع … وكمان القرار نص على أنك متجددش إلا فى الظروف الصعبة جدا جدا جدا يعنى عند الحاجة الملحة

 

وبكده الراجل بيحاول إصلاح ما أفسده الأخرون وأنا من وجهة نظرى أنه قرار صائب 100% لأن الفترة اللى فاتت كان هناك تعمد ملحوظ فى كل مؤسسات الدولة فى قتل الصف الثانى بأى شكل من الأشكال وأوكد أن الفترة الماضية فى أغلب المنشات تم التنكيل بالصف الثانى تحت شعارات عديدة وغريبة وكان أشد أتهام لأى قيادة بعد سن الخمسون أنه مش فاهم أو مبيعرقش يقود وطبعا إتهام ملوش ردود فى هذا العمر المتقدم ؟؟؟ وإلى اللقاء فى مقال بعنوان ((أغتيال القيادات الشابة ))

رسائل
الرئيس عبد الفتاح السيسى  رئيس الجمهورية
مطلوب ياريس إنشاء هيئة أمنية خاصة بسيادتك لأكتشاف المواهب والقيادات الشابة فى كل المؤسسات … ومن غير كده متدورش على قيادات فى مصر لأنهم موجودين وبكثرة لكن بيتم القضاء عليهم فى المهد

 

الأستاذ محمد سعفان وزير القوى العاملة
أنا قولتها قبل كده وبكررها تانى يامعالى الوزير … عذوف الشباب عن العمل فى المناطق الصناعية لطول المسافة وعدم وجود سكن مناسب بجوار عملهم … يعنى الوحدات الإقتصادية تتبنى فى المناطق الصناعية يامعالى الوزير

 

الدكتور أشرف الشرقاوى وزير قطاع الأعمال العام 
جميع رؤساء الشركات فى قطاع الأعمال متحفظين على معظم قراراتك … لكن ما باليد حيلة مضطرين تنفيذها … وأنا من وجة نظرى أنك الوحيد اللى حتثبتلهم إنى 5×6 مبتسويش 30 و بتساوى 90 … متهيئلى وصلت

 

الدكتور جلال السعيد وزير النقل
كوبرى المرازيق تراث أثرى معمارى قديم له مكانة إستراتيجية هامة لربطه بين الشرق والغرب ونقل الخام من الواحات للحديد والصلب … والكوبرى ده تايه بين محافظة الجيزة والقاهرة ده غير مداخلة ومخارجه اللى متسرش عدو ولا حبيب ممكن يادكتور جلال وزارة النقل تتبناه لله

 
السيد غاى رايد مدير عام منظمة العمل الدولية
أنت قولت للوفد المصرى فى أحد تصريحاتك فى المؤتمر الــ 105 لمنظمة العمل الدولية أنى خطابك للقيادة السياسية اتقرا خطأ أو ترجم خطأ … بعد كده ياريت لما تحب تبعت رسالة تجيب المترجم الخاص بيك ويبعتهلنا بالعربى … علشان إحنا منفهمكش غلط

بقلم
أحمد فاوى الضبع
عضو مجلس إدارة الاتحاد العام

wwwahmedfawy44@outlook.com

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*