المرأة التى هزت عرش مصر الافريقى بقلم أحمد فاوى الضبع عضومجلس ادارة اتحاد عمال مصر

ahmed fawyفمن لا يتعلم من ماضيه لا يمكن أن يحاول رسم مستقبله … والكلمة الأن فى مقالى هذا أو كلمة السر هى إيفون خاماتى تلك الدبلوماسية الكينية والتى خلال الأسابيع الماضية كانت حديث الساعة فى مصر والتى أصرت فى إحدى مؤتمرات الشئون الافريقية وقالت وبعلو صوتها (( إنى لابد من وقف تمثيل مصر لافريقيا فى أى مجال )) ويعنى الاصح قالتها بعلو صوتها (( أنى مصر فقدت هويتها الافريقية )) وردت كلام على لسان أحد بعض المسئولين فى مصر بوزارة البيئة وقالت أنه قال شعوب القارة الافريقية الصحراوية عبارة عن كلاب وعبيد ودة الشيء ألى نفته وزارة البيئة جملة وتفصيلا

ete7ad 3omal messr

يعنى إيفون خاماتى رئيسة اللجنة الفنية لهيئة الدبلوماسيون الأفارقة بدئت تضرب فى مصر بشكل احترافى … والسؤال الذى يراود كل من يقرأ هذا المقال … هى الست دى كلامها نابع من جواها ولا حد زققها … علشان مصر تتعزل دوليا

 

وبصراحة المؤامرة دى شغالة من بعد ثورة 30 يونية … لكن أنا حاخد الموضوع ده من زاوية أخرى والاعتراف بالحق فضيلة لو الكلام ده نابع من جواها يبقى … كلامها يبقى صحيح 100% ونوضح عندما وقف الرئيس السيسى رجل المخابرات السابق ورئيس الدولة الحالى وقال لازم ننمى أصول التعاون والتأخى بيننا وبين شعوب أفريقيا ياعنى كل لبيب بالاشارة يفهموا يعنى ابعتوا بعثات شعبية ومحلية ونقابية وغيرها هناك علشان صالح مصر لكى تعود الثقة مرة أخرى

 

لكن للاسف الرئيس مش حيشتغل لوحده والكل طنش يعنى لو أى مسئول فى الدولة راح مؤتمر أفريقى يبقى نهاره ذى اللى رايحلهم أسود ويفضل شايل هم السفرية … وعند سؤالى عرفت كمان أنى أقل بدل سفر لاى دبلوماسى وغيره هو السفر لافريقيا يعنى من عام 1998 وعند محاولة أغتيال الرئيس مبارك فى اديس ابابا باثيوبيا والعلاقات أتقطعت بينا وبين الدول الافريقية كلها شكلا وموضوعا لكن اللى كان فاهم اللعبة كويس فى الماضى هو الزعيم جمال عبد الناصر والقذافى والان يكررها السيسى دون جدوى من جميع المؤسسات

 

وبصراحة حتى لما بيجوا لنا فى المؤتمرات فى مصر محدش بيهتم بيهم ذى الاوربين ودول الخليج وعلشان نبنى مصرنا الجديدة ياريت متزعلش من كلام إيفون خاماتى اللى أنا شخصيا مقتنع بيه 100% لو نابع من جواها

رسائل

الرئيس عبد الفتاح السيسى رئيس الجمهورية
ياريس أنا وجهة نظرى فى موضوع البرلمانية الكينية إيفون خاماتى لو كان وراها حد قاصد يعزل مصر عن المجتمع الدولى والحرب الدائرة الان فهى مخطئة ولن نتركها تعبث بهذا الكلام الفارغ ولكن لو كلامها ده نابع من جواها أنا بأيدها 100% لان سيادتك منذ عام أوصيت كل المؤسسات على ضرورة التفاعل مع المؤسسات والدول الافريقية والكل طنش

 

المهندس شريف إسماعيل رئيس الوزراء
كل عام وحضرتك بخير ياباشمهندس أزمة علاوة الــ 10% العلاوة الاجتماعية لقطاع الاعمال العام على الابواب العام الماضى تم الصرف بأثر رجعى أربع شهور … نتمنى السنادى المنشور ينزل بشكل صحيح

 

الاستاذ محمد سعفان وزير القوى العاملة
قبل بدء الانتخابات يامعالى الوزير ياريت يتم تصحيح ما أفسده الأخرين بمعنى تصحيح وضع الشركات التى تتبع كل نقابة عامة ودة مهم جدا مش معقول أنى هناك شركات تتبع قابضة معينة وفى نفس الوقت تتبع نقابة عامة أخرى … وده تصحيح هام علشان نبنى بلدنا على نضافة
الدكتور عمرو الجارحى وزير المالية
بصراحة يامعالى الوزير درسنا زمان فى كتاب التاريخ موضوع فرض الضرائب الباهظة على الشعب المصرى … لكن أول مرة أعشها اليومين دول … عن فرض الــ 10% ضريبة على فحم الكوك أتحدث

 

الممثل القدير عادل إمام
أحسنت صنعا كالعادة فى المسلسل العربى مأمون وشركاه وأنت جسدت شخصية بعض المواطنين المصريين بعد أحداث 25 يناير هو الخوف من يكره

 

الى كل القراء الاعزاء عيد مبارك عليكم وكل عام وأنتم بخير

 

بقلم
أحمد فاوى الضبع
عضو مجلس إدارة الاتحاد العام لعمال مصر 
wwwAhmedfawy44@outlook.com

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*