المهندس شريف فرج يكتب : الرقاصة لساها بترقص

Sherif Faragهزي يا نواعم حاضر يا اختي هزي بزمة يمين شوية شمال شوية نطي لفوق واطي لتحت اتقصعي بمياعة حركي ايديكي حركة شبيكي لبيكي حلو اوي كده الرقصة حلوة مفيش كلام البنت موهوبة ودي بشرة خير عندها مستقبل هايل هايل في الرقص وده اكيد هينفعها وسيبك بقي من الدراسة والمدارس والدروس ووجع القلب هي تجيب ٥٠% وبالموهبة دي والمؤهلات دي اوووووو اكيد اكيد هتوصل لقمة البتاع .

 

الام بتاع بتاع ايه يا دكتور الدكتور بتاع مين قال بتاع انا اه طيب قصدي المجد مش انتي عايزة تقعدي علي البتاع ده اللي اسمه المجد . البنت . اه بس اخاف ازهق من القعدة اصل انا بحب الحركة الدكتور . ايوا ازهقي واتحركي فوق وتحت وتحت وفوق ويمن شمال اوووووووو بنتك موهوبة اوي اوي يامدام وما اعتقدتش ابدا ان دي اول مرة ترقص قوليلي يا حلوة بصراحة امتي اول مرة رقصتي .

 

 

مش فاكرة يا دكتور بس ممكن وانا في الابتدائي في حفلة المدرسة كانوا عايزين بنت ترقص علشان سيادة الوزير المحافظ كان بيزور مدرستنا رقصت ساعتها علي اغنية نار بتاعة حكيم وساعتها ادوني شهادة تقدير ونجحوني في الامتحان وبعديها اتخدت في فريق المسرح بتاع المدرسة وكل حفلة ارقص فيها انجح وافتكر بقي في الجامعة عرفت من الكنترول اني شايلة ثلاث مواد وكان فرح بنت العميد قبل تعليق النتيجة ساعتها روحت الفرح ورقصت فشر دينا وصافينار

 

 

والعميد عرفني وكافأني ونجحني علشان شرفته في الفرح واتعينت معيدة في رعاية الشباب في الجامعه وعليها بقي يا سيدي اترشحت في لمنصب في الحزب ورقصت في كل فرح مسئول وكل مناسبة وطنية حتي ما سبتش لا انتخابات ولا استفتاء كله رقصت فيه ومش عارفة ابطل رقص يا دكتور وخطيبي شارط عليا لازم ابطل رقص قلت لازم اغير من نمط حياتي واتفرج علي برامج نكد وبقيت متابعة لبرامج التوك شو خصوصا الاستاذ بكروتا والست نانيس الحريدي والاستاذ احمر فوشي لقيتني برقص بزيادة واتعلمت حركات في الرقص جديدة

 

 

يا دكتور ساعدني عايزه ابطل رقص واتجوز بقي مرة واحده في الحلال الدكتور . امممممم يا ماما اللي انتي اتفرجتي عليهم دول استاذة في فن الرقص والترقيع ع العموم بسيطة انتي بتكسبي كتير من الرقص ده الام والله يا ابني اللي بتجيبه باليمين بيتصرف بالشمال ايشي بدل رقص ومكياج وبتاع تقولش الفلوس حرام ولا منظورة الدكتور طيب هو انتي بتحبي خطيبك ده اوي اه طيب خلاص ملحوقة علميه الطبل وتبقوا فريق هايل زي نانيس واديب وتكسبوا ملايين طيب لو مرضيش ارضي انا دوم تك دوم تاك هزي يا نواعم

 

 

ايه ده ايه اللي بيحصل مفيش يا بيبي لقيت حد يقذر موهبتي وبدل ما يخليني ابطل رقص هيطبلي . صحيح تقوم ثورة او متقومش الرقاصة عمرها ماتوبش انا بس اللي كنت فاكر ان الطهارة ممكن توب يتلبس اتاريه جلد لاهينخلع ولا يتلبس هزي يا نواعم وانت طبل يا دكتور . بقولك ايه يا استاذ هو ايه اللي بيحصل جوا في العيادة اللي بيحصل جوا زي اللي بيحصل برا بالظبط الرقاصة لساها بترقص

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*