الموت علينا واجب يا حكومة : مقال بقلم شريف فرج “كتابات ساخرة”

Sherif Faragالموت علينا واجب يا حكومة صباح الخير يا افندم صباح النور يا سيدي لو سمحتي حضرتك انا كنت عايز اجدد البطاقة بتاعتي علشان منتهية طيب بسيطة خالص هتروح شباك واحد هتقف في الطابور ده تجيب الاستمارة وتملأ البيانات وتيجي تاني حاضر شكراً ليكي جداً مين اخر واحد في الصف يا جماعة ع السلم طيب حضرتك اخر واحد اه اديني واقف من الصبح راكن العربية صف تاني وسايب العيال فيها

 

يا نهار ابيض المفاتيح اتا نسيتها في العربية خالي بالك وحياة ابوك من الدور وانا جاي علي طول حاضر حاضر،حاضر وبعد حوالي ربع ساعة يكلم اللي واقف قدامه بقول حضرتك هو الطابور ما بيمشيش ليه اصل الموظفة اللي معاها مفتاح الدرج مجاتش لحد دلوقت بيقولي امبارح كان دخلة بنتها علي شاكر ابن الاستاذ شكري عبد الشكور هو حضرتك قريبها لا انا واقف هنا من الساعة ثمانية ونص وسألت السؤال قبلك طيب مفيش حد يحل محلها

 

 

لا مفيش لان عدد الموظفين صغير واللي مش عاجبه يروح مكتب تاني هو حضرتك موظف هنا لا انا هنا من ثمانية ونص وسألت نفس السؤال اقولك انا دلوقت بتفكر تدخل لمديرة المكتب وتقولها انك متأخر وانك عندك مصالح ثانية ولازم تخلص كلها النهاردة ومعندكش اجازات في الشغل فلازم تنجزك صح بتفكر في كده صراحة اه انت عرفت منين هو انت بتقرأ الافكار لا حضرتك انا واقف من ثمانية ونص بعد نص ساعة لولولولولولي لولولولولي الف مبروك يا استاذة الف الف مبروك الله يبارك فيكم يا حبايب

 

 

هادخل امضي واجي يا بوسبوس واجيلك بعد مرور نص ساعة كمان وتأفأف الناس والضجر يا جدعان مش كده احنا من الساعة ثمانية واحنا هنا والساعة داخلة علي احداشر ومحدش عبرنا هو في ايه هو احنا مش بني ادمين حد يعبرنا اهدا بس يا سيد كل تأخيرة فيها خيرة اهدا بس كده وصلي علي النبي اللهم صلي وسلم وبارك عليك يا حبيبي يا رسول هو انا ممكن اسأل سوأل اسأل

 

 

هو فعلاً المدام اللي دخلت تمضي حضور ما خرجتش ليه يا سيدي كلام بقي حريم وانت فاهم لا حضرتك انا افهم ان كلام الحريم يبقي في حمام الثلاثاء مع الشاي والكيك بالليل في التليفون لكن دلوقت مصالحنا احنا ايه هتخلص امتي لما الهانم تخلص كلام الحريم وكده حاضر حاضر حاضر يا حبيبتي هاكملك والله مع اني زعلانه انك ماقعدتيش للبوفيه

 

 

ده كان ايه الخير كان كتير واتبقي وحياتك ها اقفوا طابور واقفين ها عادي ولا مستعجل عادي مستعجل عادي هات فكة مستعجل ياه معقولة الظهر أذن بالسرعة دي حضرتك اللي جاية متأخرة ماشي يا خفة خليك بقي في دورك لحد ما اصلي واجيلك يا ستي ابوس ايدك لو راجل بوس وانا اعملك محضر تحرش بموظفة حكومية لا علي ايه لو البس قضية تحرش البسها في هيفا ولا برديس مش في طلعت زكريا وابراهيم نصر وبعد مرور نص ساعة اخري حرماً يا ست الكل ممكن استمارة مستعجلة بقي ثمانين جنية اتفضلي دي ورقة ب ١٠٠ مفيش فكة روح فوك وتعالي

 

 

علي ايه يا افندم خالي الباقي نعم انت هتجبي عليا يا ابن امك انت عارف فرح بنتى امبارح متكلف بس كام حضرتك انا مش قصدي بس حضرتك مش هتفرق انتي عارفة انا شارب كانز وعصاير وشاري مناديل ورق بكام انا بس اللي نفسي فيه اروح لامي مش اكتر شاكلك ابن ناس بس لسانك طويل حبتين انت ياللي وراه هات عشرين جنية فكة ..

 

 

خد يالا امشي الحمد لله املأ البطاقة بقي حضرتك انا مليت الاستمارة اروح فين دلوقت روح علي طابور المراجعة هناك هنا عند استاذ شاكر ده ابو شكري اه انت تعرفه طبعاً ده عشرة من الساعة ثمانية ونص وبعد ساعة ونص مبروك يا افندم وعقبال البكاري الله يبارك فيك يا حبيبي بص بقي انت هتجيبلي ختم النقابة بتاعتك علشان نثبت انك مهندس حر وتيجي معاك صور البطاقة القديمة وتخلص علي طول حضرتك علي فكرة انا صاحب شكري فلو سمحت اعمل معايا واجب اومال ماجيتش الفرح امبارح ليه

 

 

ده البوفية كان عارف يا استاذنا الخير فيه كان بزيادة بص ع العموم الخدمة اللي اعملها معاك علشان صاحب شكري اعملك البطاقة بدون عمل ايه رايك لا طبعا ابقي مهندس واكتب بدون عمل لا انا اختمها واجي بكره اعملها وخلاص الخدمة بقي تعالي بعد بكره علشان بكره الكومبيوتر هيبقي مش شغال اصل مدام ليلي خطوبة بنتها النهاردة اه حضرتك فهمت ماتكملش الكومبيوتر هيحضر الخطوبة وهو طبعا مش واخد علي السهر فا مش هايشتغل بكره

 

 

انت مهندس انت هو في كومبيوتر بيروح افراح ايه الغبا ده هي هتروح الفرح وبكره مش جاية وعلشان معندهاش رصيد اجازات هيمضولها وعلشان محدش يقولها فين شغلك هنقول للناس الجهاز عطلان فهمت ياريتها كانت جابت دكر بط كان نفع حضرتك تقصدني انا لا يا خفيف اقصد مراتي في الفرح طيب وده يا افندم مش فساد لا طبعاً هو احنا بنسرق احنا بنقف مع زميلتنا في محنتها واللي مش عاجبه او مستعجل يروح اي مكتب تاني

 

 

وبعدين خود يا انا ابني مهندس في الحي وانت مهندس علوم كومبيوتر تبقي زميله فين بقي حضرتك قول لشكري انا قابلت احمد الاول علي الدفعة واللي ماتعينش معيد علشان ابوه ساعي في المصانع الحربية وشغال في شركة اتصالات في دبي ونازل مصر يستقر بعد سبع سنين غربة استفاد حاجة واحدة بس وهي ان طول مافي بيروقراطية وفساد معشش في البلد هيكون شعارنا في المستقبل هو الموت علينا حق

بقلم 

مهندس شريف فرج

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*