جريمة قتل بشعه فى مدينة الموظفين بحلوان “ندى قتلت شيماء” حوادث وجرائم حلوان

7awades helwanالسلام عليكم
جريمة قتل قدام عنيا
انا اسمى “ن هـ” الطيب ساكنة فى شارع 11 مدينة الشمس فى البيت اللى قدامنا راجل متجوز اسمه محمد مراته اسمها ندى معروفة فى الشارع كله بلسانها الطويل و قلة ادبها وانها بتضرب جوزها دى اول حاجة
تانى حاجة اخت جوزها اسمها شيماء دى بنت مريضة دماغها على قدها و غلبانه اوى كانت قاعده عند خالتها و بعدين محمد اخوها جابها تقعد عنده علشان ياخدو معاشها و بقت ندى بتضربها ليل نهار و اخويا الصغير يقف فى البلكونة يدخل منهار من العياط و يقول لماما والنبي الحقو شيماء ندى بتضربها هو كان بيشوفهم علشان البلكونة بتاعتهم مفتوحة و احنا فى دور اعلى منهم


امبارح بليل انا و ماما و اخويا الصغير كنا سمعين صوت الضرب و احنا قاعدين فى الصاله ماما خرجت البلكونة شافتها و هى بتضربها و فضلت تعيطت و كانت عايزة تنزل بس بابا مش راضى علشان ندى لسانها طويل و مش هينفع تشتم ماما قبل الفجر عرفنا ان شيماء ماتت !!!!!!!! ندى قتلتها من كتر الضرب !!!! و رمتها على السلم !!! انا كنت حاسه انى بحلم او بشوف فيلم ??
ماما صحيت و انا صليت و نمت

 

الصبح راحت هى وبابا و ناس من الجيران لقو دكتور بيطلع شهادة الوفاة انها ساكتة قلبية !! و اصلا وشها كله كدمات و دماغها بتجيب دم فماما بتقولها حرام عليكى ايه اللى عملتيه فيها دا راحت ردت ( دى وقعت منى فى البانيو ) !! طبعآ كذابة . واحد من الجيران اتصل بالشرطة و الطب الشرعى و اكدوا ان الضرب ادى الى الوفاة !!
انا كتبت البوست دا علشان حق شيماء يرجع و يتجاب
حسبي الله فيكى يا ندى
ادعو لشيماء بالرحمة و اسفه طولت عليكم
#ندى_قتلت_شيماء !!

القارئه

ن : هـ

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*