هندعبدالستار تكتب تفاصيل كوميدية ساخرة عن عربة السيدات داخل متروا الأنفاق : تقرأها وكانك تشاهد فيلم كوميدى

arbet elsaedat1من حلوان للمرج بدات هند عبدالستار وصفها لما يحدث داخل عربة السيدات فى مترو الأنغاق : ونقلا عن صفحتها الشخصية على موقع التواصل الأجتماعى فيس بوك ننقل مشاهدها الممتعه التى امتعتنا معها فى قرائتها
قالت : انا آساكنة في حلوان.وأسرع حاجة بعيد عن زحمة الكورنيش هي الاختراع اللي اسمه المترو.
علي قد ماليه مميزات ليه عيوب .

arbet elsaedat
عربية للسيدات او زي مابقول عليها عربية( السيئات ) بما فيها من نميمة وسخرية وتعليقات علي اللي طالع واللي نازل
انا دايما بركب عربية السيدات ودي لوحدها معانا في حاجات كتير خصوصا في زحمة الصيف .وتعب الجيوب الانفيه من الريحة. وياسلام لو لبسة كوتشي ابيض بنزل يكون لونه اتغير.
بشوف حاجات كتير هي صحيح متخصنيش في حاجة لكن بتسير فضولي.من اول بنت تبقي واقفة ساندة علي الباب منهارة من العياط .النت تانية بتلبس الطرحة وهي نازلة.لبنت تالتة بتقلع الطرحة وهي بتركب ؛)
كله كوم والست الكبيرة اللي عملة زي عواجيز الفرح كوم تاني. طنط دي بقي تيجي نقعد وتزنق البنت اللي علي شمالها واللي علي يمينها.وتقولهم بكل طيبة وحنيه انا زنقاكم?? لا ياطنط حضرتك طبقتي رجلينا . وتبدء بقي في الكلام عشان البنت اللي وقفة دي بنطلونها محزق وملزق..واللي جنبها لون شعرها مش لايق مع لون بشرتها.ولوك لوك لوك .تيجي محطة طنط وتنزل مع السلامة ياطنط.
وإذ فجاة يركبو بنات ثانوي من محطة كوتسيكا اللي هي كوزيكا.عيونهم علي اي بنت قرروا يستلموها بنظرات وهمس وتريقة . وفجاة يتقلب المترو لميدان العتبة .صلي علي رسول الله .يلا ياسادة لعبة حمادة وميادة ب2،5 بس. والفطير بتاع ام عبير .
البدي بكم20 جنيه والكت 15..سويت ببنج يابنات صناعة سورية… 🙂 هنحور ياولية سورية فاضية تصنع حلاوة ووبنج كمان
.المترو وقف والبياعين نزلو..
الراجل ومراته وشايل ميدو ابنه ركبو المترو..حضرتك دي عربية سيدات.لا مانا راكب مع مراتي مش لوحدي..طب خدها معاك العربية المشتركة.يقولي زحمة مانتو بتركبو معانا العربية ومحدش بيقولوكم حاجة..مراته تبدء تنطق ونقول
يعني هو هيبصلك ويعاكسك من جمالك اوي
بكل برود برد انا عجبني شكلي كده ع العموم خليه مننا وعلينا وعربية الرجالة يركبوها الرجالة .وعربية السيدات تركبها النسوان( وحلوة حلوة وجوووول وتم قصف الجبهة)
انا و المواقف الكوميدية لما تحصل خناقة بين الستات وتتفتح ماسورة من الكلام اللي بيكون في اللاوعي .
مرة ست مسيحية كبيرة.بشوفها دايما .قعدة وقدامها بنت محجبة شربت عصير ورمت العلبة من الشباك.الست قالتلها ينفع كده دي النضافة من الإيمان.انا كهند مع موقف الست جمال، راحت البنت انا وقالت تعرفي ايه عن الإيمان.وبدءو يتخنقو حاولت أدخل وأهدي بس ياريت ماحصل.قولت الست صلي ع النبي ياحاجة وفعلا يقولها بحسن النية، الكلمة اتقالت من هنا والست افتكرتني بتريق.وقالت اللي قالته بقي.

 

من محطة حلوان لحد مابنزل في جمال عبد الناصر معاناة .اوقات بتكون حلوة ومضحكة وأوقات تعصب وتنرفز
المترو حياة جوة الحياة.

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*