اهمال وعجز مرفق المياة وحى حلوان أمام ماسورة مياة انفجرت وأغرقت مناطق بكفر العلو من ثلاث ايام وحتى الأن

Islam Nafee helwanماسورة الميه ضاربه فى منطقة كفر العلو بحلوان بقالها 3 أيام وغرقت الشوارع، والميه قطعت من امبارح العصر ، وطبعاً إحنا عارفين ليه :
الناس قدمت شكاوى وفرع شركة المياة بعت للفرع الرئيسي يستأذنه بإنه يروح يشوف المشكله فين والاذن طلع ، بعت الفرع بتاع حلوان للفرع الرئيسي يطالبهم بصرف بلف واتنين متر مواسير من مخزن الشركة مع انهم ممكن يشتروهم من على أول الشارع عادي .

masoret muaah
اثناء قيام العمال بتركيب البلف اكتشفوا وجود عيب صناعي في البلف ، فراسلو الشركة الأم بالعيب ، فبعتت الشركه الأم وطالبت استرجاع البلف واستدعت المقاول عشان تحاسبه عليه ، المقاول رفض وقال انا مسلم البلف سليم ،فالشركه الأم خلقت لجنه لبحث أمور البلف والتأكد ان العيب بتاعه عيب صناعي ولا عيب استخدام ناتج عن جهل العمال بالبلف الجديد ، اللجنه مقدرتش تحدد صراحة اذا كان البلف اللي اتعرض لنسبة صدأ 1% ناتج عن عيوب التخزين ولا عن توريد بغير المواصفات ،

 

 

فخلقت لجنه مصغره يرأسها الاوساز الدكتور محروس افندي، وبعد قيامها بالصنفره اكتشفت البلف بيعاني من زنقة الكاوتشه الداخلية ومبيتحركش بسهوله ، فقررت ترفع قضية قدام المحكمة التجارية على المقاول عشان متضيعش المال العام ، أيوا الله متضيعش المال العام والسكان بيطالبوا المحكمة التجارية بسرعة الفصل في القضية خلال عام عشان الميه بتروي العطشان ، وبتطفي نار الحران

بقلم : اسلام نافع

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*