بالصور أهالى حلوان يصرخون : ارحمونا يامسؤلين التتار يعودون من جديد لشوارع حلوان

helwan2dayالتتار ابتدا يرجع يحتل الارصفه من جديد : هكذا وصف بعض أهالى حلوان الباعة الجائلين واصحاب المحلات الذين عادوا يحتلون الأرصفة اما ببضاعتهم أو بالكراسى أو بالدرجات البخارية الخاصة بالدليفرى 

وقال متولى عبدة سلامة احد المواطنين واصفا الوضع كما يراة قائلا : الباعه بعد ما اخدوا البكايات وكلفوا الدوله فلوس مهوله ابتدوا يحتلوا حلوان من تاني . الراجل جاب العربيه المشوهه وحطها علي الناصيه قدام محل طأطأ تاني امام المبني الاثري اللي اتحولت المساحه بتاعته لجنينه. والراجل بتاع الفاكهه اللي بيقف قدام البنك في نفس المنطقه رجع تانى يقف

وأضاف سيد منصور عبدالرحمن : يا خساره الفلوس اللي اتصرفت والنظافه اللي الواحد حس بيها فترة قصيرة قوى وسرعاد ماعادت الفوضى من جديد تدريجيا فى حلوان  والف حسره عليكي يا حلوان يا عظيمه بعد ما احتلوكي التتار من تاني :

وأضافت سلوى محمد عبدالكريم قائلة الحقونا …..الباعه الجائلين بتوع الخضار دخلوا بين العمارات بتاعتنا وقالبينها زباله….زباله الله يخربيتهم. امام مدرسه العائله المقدسه بنين في الممر عند محل اينوا…..حد يبلغ الحي والمباحث من فضلكم

bae3t 8odar

وقالت مروة عبدالهادى موظفة من حلوان : هل تصدق ان بعد حلوان ما اتنظفت شويه رجعت التكاتك والفرف دة كمان فوجئت ان باعه متجولين تحولوا الي باعه ثابتين مره اخري زي ما يكونوا اتفقوا مع بعض يغزوا حلوان المحطه ومحيطها تاني بعد الملايين المصروفه والنظافه هاترجع تاني للقذاره والوساخه ….مثال بتاع الفاكهه رجع في اماكنهم بدون مراعاه لحرمه الطريق وتكاتك تئن منها الشوارع ومجلس المدينه والاشغالات ودن من طين وودن من عجين

helwan2day

وأضاف رامى نعيم عيد : أنا مبقيتش اعرف امشى فى المنطقة اللى قدامم فوانيس الروبى المحلات اللى أجرها الروبى لناس زى محل العصير والسندوتشات بقوا حاطين كراسى مالية الرصيف استحالة بنى أدم يعرف يعدى وكمان موتسيكلات الدليفرى اللى مالية المكان : ارحمونا ارحمونا بقى حلوان بترجع اسوا من الأول

fawanes alrwby

تحقيق

شيماء عبدالرحمن

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*