تقشفوا يرحمكم الله بقلم احمد فاوى الضبع

ahmed fawyبالفعل لم تمر علينا أيام كهذه الايام وعلشان تمر بخير وسلام لازم نرفع شعار تقشفوا يرحمكم الله يعنى من هنا ورايح لازم نعمل حساب كل جنيه يدخل البيت وكمان لازم تحسبها مرة وأتنين وثلاثة يعنى القرشين دول للسكن والمية والنور والمجارى والزبال ودول للمواصلات ودول للاكل والشرب ودول لكسوة العيال فى الشتاء ودول لو حد تعب أوحد مرض فجأة ودول ودول ودول يعنى علشان بلدنا تقف على حيلها 

 

ta3aam

ومعروف أنى أى اصلاح اقتصادى فى أى بلد فى العالم يبقى لازم تدفع فاتورته الطبقة محدودة الدخل والفقير منها …. يعنى لازم نشد الحزام على البطون يعنى ناكل مرتين فى اليوم بدل ثلاثة يعنى لازم نلغى وجبة طب ايه رأيكم نفطر الساعة 12ظهرا وتتعشى الساعة 7 مساءا ولتذهب وجبة الغذاء إلى الجحيم يعنى تمشيها وجبتين والثلثة مش مهم علشان بلدنا تكبر وتعلا وتقف على رجليها 

 

أه والله والسكر اللى الناس فى مصر بتشتكى منه على رأى علماء الصحة أياكم السمين الابيضين أيه هما (( السكر والملح )) فعلا احنا مجانين فى استعمال السكر اللى بيصيب الجسم كله بالامراض واللى مش مصدق يروح دول الخارج ويتفرج مفيش حاجة أسمها 4 و 5 معالق سكرعلى الشاى ولا التبزير فى السكر للحلويات والجاتوهات وما دام بيجيب الامراض بلاش منه بس خايف كمان تحصل أزمة فى موضوع الملح لا أطمئنوا المحيطات الملحة بتمثل 60% من مساحة الكرة الارضية يعنى مفيش أزمة ملح

 

حتى وزير التموين نسى يزوده ولغاية دلوقتى بجنية الكيس ودة بعتبره بلاغ لوزير التموين انى هناك سلعة غذائية لسة مزدتش …. طب واللبس مابين الشتاء والصيف كمان مينفعش تمشى عريانين وكمان ما ينفعش منعيدش بهدوم جديدة بس ممكن ألبس لبس السنة اللى فاتت وكمان أختفى الثلاث أيام بتوع العيد فى البيت علشان الناس متعرفش أنا جبت هدوم جديدة ولا لا واللى فهمتوا أننا لازم نرفع شعار تقشفوا يرحمكم الله

رسائل

الرئيس عبد الفتاح السيسى رئيس الجمهورية

على فكرة ياريس من شيمة الحكام العرب الذى ذكرهم التاريخ ومازلنا نذكرهم بكل خير وحكمة كانوا ينتهجون مقولة (( العفو عند المقدرة )) عن افراجك عن الشباب المحبوسين اتحدث

السيد اللواء وزير التموين محمد على الشيخ

على فكرة ياسيادة اللواء احكام الرقابة على الاسواق أفضل ما تغرق السوق بمنتجات يتم استغلالها يعنى مفيش سلعة فى السوق مازدتش ؟؟؟ اسف لهذا الخطأ مازال كيس الملح بجنيه وهذا نعتبره بلاغ

 

الاستاذ محمد سعفان وزير القوى العاملة

زياراتك الاخيرة لمواقع العمل التى تتبع القابضة المعدنية طمنت الكثير من العمال وسئلونى عن زيارتك لشركة الحديد والصلب الام ووعدتهم إن شاء الله مع بداية مشروع التطوير

السيد الاستاذ حلمى النمنم وزير الثقافة

من أول مامسكت الوزارة ولا حس ولا خبر مفيش أكثرمن مشاركتك فى معرض الكتاب لعل المانع خير أبشر أنت على رأس التغير الوزارى القادم
الاتحادات المستقلة

معرفش ايه لزمة المقابلات الكثيرة مع النواب وتوقيعكم على رفض 26 مادة فى قانون النقابات ومن دلوقتى بقولها لكم الرئيس السيسى قال أكثر من مرة لن أقبل بكيانات موازية ومتهيئلى الرسالة واضحة

 

بقلم
أحمد فاوى الضبع
عضو مجلس إدارة الاتحاد العام لنقابات عمال مصر

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*