الريس بلحة امعة : بقلم شريف فرج

وقف الريس بلحة مخاطباً في الناس انا انجزت انجازا منجزا به من الانجاز ما لم ينجزه الناجزون ولو كانوا انجزوا ما انجزت من قبل ما كنا انجزنا وما لم نكن ناجزين ما انجزناه ولانهم لم ينجزوه فقد انجزناه واصبحنا نحن ناجزوه واصبحنا نحن من انجزنا الانجازات (تصفيق حار من الحضور )

والكل يهتف عاش الريس المنجز واشتغلت اغنية انجزناه انجزناه ورقص عليه الجميع وظلت القنوات الفضائية تحلل بلاغة الانجاز والتعبير الحركي واللفظي للسيد الفخيم الرئيس وتباري المحللون في التحليل والتعليق وجلس بجواري الريس بلحة صاحب القهوة البلدى التي اجلس عليها يقول لي شوقت الريس كلامه حكم ازاي الراجل قال كل حاجة بصراحة ووضوح وجلس هو الاخر يحلل وكأنه خبير استراتيجي محنك وجلس يثرثر ويثرثر وجلست مستمعا منصتا الا ان قاطعته قائلا هو الريس خطب قال ايه ؟

 

فرد قال انه انجز قلت وانت فهمت هو انجز ايه قاللي انجاز كبير ولاننا بنتحارب من اهل الشر الراجل بينجز في السر علشان الحسد والعين احنا منظورين يا استاذ فخبط كف بكف وقلت ضاحكاً تصدق انك راجل أمعة فضحك جداً وقال اسمها مقمعة مش أمعة لان الاغنية بتقول يا حلوة يا بلحة يا مقمعة نورتي اخواتك الاربعة وفوق كل ذي علم عليم واسألوا اهل الذكر يا استاذ وانا اعرف اكتر منك الاغنية .

 

هنا انفجرت ضاحكأً اقسم بالله انت راجل بجد أمعة . حلل حلل كلام السيد المنجز الفخيم واقنع نفسك بالانجاز بس انده علي الصبي يجيبلي قهوة سكر زيادة فرد مفزوعاً سكر زيادة لأ هو احنا لاقين سكر الله يخرب بيوتهم زي ما خربوا بيوتنا السكر مش لاقينه والاسعر غليت الطاق تلاتة واربعة احنا بيتخرب بيتنا والله فرديت منفجراً استحمل علشان الانجاز اللي علي الناشف بيوجع شوية يا أمعة . ومشيت وانا بغني ياحلو يا بلحة يا أمعة البس علشان خارجين بقي .

بقلم : شريف فرج

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*