شعر : قصائد بالعامية المصرية للشاعر سليمان الكومى

ننشر عدد من قصائد شعر العامية للشاعر سليمان الكومى

“ام النيل والازهر”
مالك يااام النيل والازهر الجميل
ماتشدي حيلك وفين ولادك يردو الجميل
وليه الكل مش صابر مع ان الصبر جميل
دا ايد علي ايد تساعد ومفيش مستحيل
وبلاش الكلام وخلينا من بعض نستفيد
ونرجع ام العالم ونكون حديد
ونشوف مين اللي حابب ومين اللي حاقد اكيد
م هي الكل عليها باصص بس حميها اسود
وما تشدي حيلك بقي وفين ولادك يردو الجميل
ياحبي وحب كل البشر اكيد
وبعرقنا وتعبنا سدقوني هنبقي حديد
ومدام بنسمع من بعض هنستفيد
ومدام بنفكر بتفكير جديد
هنفيد مصر بلدنا ام العالم اكيد
وسبونا بقي من الجدل والكلام الكتير
دالازم نكون ومفيش مستحيل
اكيد

“بحبك يابلدى”
بحبك يابلدي ومين مابيحبكيش
ويسلم ولدك وقائد الجيش
ويسلم عاملك وغيرك مافيش
ويسلم ويسلم كل من قدم وماخنكيش
وبحبك يابلدي ومين مابيحبكيش
داتريخك معلم ومين ميعرفكيش
وولادك اسوود ومن العدو مابيهبوش
وعلمك مرفوع مرفرف مالوش
انو ينحني مولادك مابيهبوش
وبحبك يابلدي ومين مابيحبكيش
ويالي مش عارف مع اني ماظنيش
ومين مش عارف مصر والجيش
دلعرق وكفاح وسئال عن بطل الجيش
يقلك دمو وكلوو مايشغلوش
المهم انتي يابلدي ومش مهم اعيش
بحبك يابلدي ومين ميعرفكيش
وانا المواطن وخدمت في الجيش
وليلي سهرتو وتعلمت من الشويش
وخت شهاتي وتعلمت فيكي اعيش
ويسلم كل اللي ضحاعشان غيرو يعيش
بحبك بحبك ومين مابيحبكيش
ويسلم ولدك وقائد الجيش
“العلم نور”
بسأل وبتسأل فقط لاغير
عندنا العلماء والعلم غير
وبيبقا حابس نفسو ليه عن الغير
وفجاءه اسمع عنو الايه عالم عند الغير
هوا فين ومين عن العلم مسئول
وليه نسيب العلم من عندنا يفل
وليه مانسعدوش ونحاول نحل
وليه وليه وايه للكل
امال هنتقدم ازاي من غير العلم
وهنرفع راسنا ازاي ولا هنفضل في حلم
دا من حقوو صحيح يطير وراء الحلم
وليه مافيش مكان مفتوح لاختراع العلم
وليه مانحتويش المخترع ونحقق الحلم
ولا هنفضل نيمين وكفايه علينا الحلم
وبمجهودنا يعلا غيرنا بالعلم
ماتصحو بقا وخصصو مكان لكل من عندو حلم
وانا بسأل وبتسأل فقط لاغير
هوا هنفضل كده للغير
واحنا اصلا اصل الغير
وامتا هنرجع ورجع الطير
دا بيهم هنعلا بس فكرووهاتو علمأنا من عند الغير
وسعتها مافيش حد هيسال ولا يتسأل فقط لاغير
الشاعر سليمان الكومي
تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*