تعالوا نناقش قضية اجتماعية خطيرة حتى لاتظهر هدير جديدة

عبدالرحمن هريدى

عبدالرحمن هريدى

لو احنا مجتمع منصف كنا يسرنا الزواج للشباب ليكون في العلن و النور و مكناش نتغالي في المهور وكنا فكرنا ازاي نساعد الشباب بتوفير سكن بسعر مناسب لشباب في بداية حياتهم. وكنا ندعم الشباب و منحولش البنت لسلعة للبيع الي يدفع اكتر.ومكنش الشاب هيهرب من المسؤليه لو عمل كدة. ومكنتش هتلاقي اطفال مرمين ف الزباله او في الشوارع او في المفاجئ. ومكنتش هتلاقي بنات بيترمو في حضن عواجيز و يلجئو لعلاقات سريه مع شباب.

هدير

قضية هدير

لكل اب و ام. انتم دمرتو أولادكم باديكم.
لكل الحكومات من ايام السادات بعد حرب أكتوبر حتي الان.
انتم دمرتو الجيل دة بتدمير الأجيال اللي قبل منه.
كل اب و ام انشغلو بجمع المال بالحلال و الحرام و نسيو يربو عيالهم علي المبادئ و الأخلاق و القيم .
اشربو من زرعكم.
مدوروش وشكم و تعملو مش شيفين او تهاجمو من غير وعي.
 
 
اجرو علي أولادكم صحبوهم.
ناقشوهم. افهموهم.
تعرفو ان الأطفال كبرو و بقا ليهم طلبات و رغبات زيكم او تفوق احتياجتكم كا بالغين.
ساعدوهم يعدو من المحن الأقتصاديه و يسرو الزواج و السترة الشباب.
البنت بتغلط عشان مش لاقيه حد في البيت يفهمها بهدوء و العقل الصح من الغلط. و خصوصا الام.
 
 
بتسبو الولد يعمل اي شيئ من غير حساب و مراجعة.
كل الشباب و البنات او معظمهم الايام دي وصلو لمراحل من الكبت ممكن تدمر البلد لو متقتوش ربنا و فهمتوهم و ساعدتوهم علي تفريغ الكبت دة بالشكل الحلال و المشروع و الصحيح.
مش كل راجل عجوز يجري يتجوز مرة و اتنين و ثلاثة و ينسي عياله.
انت مستني ايه لما نلاقي ابنك أو بنتك ملفوفين في ملايه او صورهم ملط منشورة علي النت.
فوقو بقا … مترموش التهم علي الشباب عشان ضعيف و علي البنت عشان أشد ضعفا
بقلم :
عبدالرحمن هريدى
تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*