شكوى الى ضمير المجتمع ضد مستشفى حلوان العام من والد طفلة مريضة

شكوى للسيد المحترم مدير مستشفى حلوان العام : وشكوى للحكومة : وشكوى لضمير المجتمع : ينفع يادكتور يامحترم يامدير مستشفى حلوان العام اذهب باابنتى طفلة عمرها 10سنوات مريضة فجر اليوم الى استقبال المستشفى وهى تعانى من حالة قئ مستمر والالام بالبطن الى ان فقدت الوعى ..ودكتورالاستقبال يقرر  (2) امبول حقن بس للاسف غير موجودين بالمستشفى اذهب الى اى صيدلية بسرعة ولازم الان ماشى يا دكتور

السادة اصحاب الصدليات امام مستشفى حلوان العام والمدينة وشارع اطلس والمشروع الامريكى ولا صيدلية مفتوحة لخدمة الناس ..حرام عليكم .
ثالثا السادة المسئولين عن صيدلية الهدى الاسلامى اذهب للصيدلية وقت صلاة الفجر لانها الصيدلية الوحيدة المفتوحة فى المنطقة كلها فى هذا التوقيت اجدها مغلقة لصلاة الفجر..واللة العظيم احنا برضة بنصلى وعارف قيمة صلاة الجماعة وخاصة الفجر
 
 
بس المفروض حد يكون موجود فى الصيدلية والباقى يذهب للصلاة ويحصل تبادل كل يوم مع بعض لانقاذ الناس ورينا غفور رحيم ..وهذا عمل مهم وانسانى ..
ارجو من السادة القائمين على الجريدة التواصل مع مدير مستشفى حلوان العام ..لتوفير علاج الحالات الطارئة فى الاسقبال ..الناس بتذهب للمستشفى العام علشان مفيش فلوس لتذهب مكان اخر ….وايضا التواصل مع المسئولين فى حى حلوان لتوفير صيدلية تعملة 24ساعة فى المنطقة لخدمة الناس فى اطلس والمشروع
 
 
واخيرا الحمد للة رب العالمين ان حالة بنتى بسيطة وبفضل اللة تحسنت وزى الفل …طب لقدر اللة لو حد فى حالة حرجة ومفيش معة فلوس يموت علشان المستشفى العام مفيش علاج للطورائ فى الاستقبال …ولا الصيدليات المغلقة فى منطقة بالكامل ..اسف للاطلة وارجو الاهتمام
وشكرا جزيلا
الشاكى
جمال ابومحمد نوار نوار
تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*