الفيس بوك “22”

فيسبوك 22 قصيدة للشاعر المعروف ابن حلوان “أحمد الصارم”

تعالوا بينا نقرأ القصيدة

في دنيا الفيس
تقابل ناس بمليون اسم
ومالهاش جسم….!!
وناس تضحك وناس تبكي
وناس دايما تحب الرسم
وناس هربانه م الواقع
وناس دخلت عشان الخًصم
وناس منك وناس ليك
وناس لازم تكون الخِصم!!…
 
 
في دنيا الفيس
في ناس بتحب منشورها
وترتاح لما بتزورها
ولايكك يبقي سباق
ولو غابت بتسأل فين
فلان وفلانه مشتاق…..!!
وناس تكره تبصلها
وناس تدخل بروفيلها
اعوذ بربي م الخبثاء….!!
 
 
في دنيا الفيس
في ناس الدنيا تبقي مرار
وتكتب ع الطبيخ اسرار
تحسه جبله او ضايع….!!
وناس ضدك وناس وياك
وناس شاريه و100 بايع
وناس تاخدك ع جناحها
وناس البعد ريحها
وكام ميت وكام صايع….!!
 
 
في دنيا الفيس
بقينا في غربة مع روحنا
لو ان الفيس ده ريحنا…!!
نسينا كتير عرفنا كتير
وسبينا وسبحنا
وقامت ثورة عشناها
وماتت ثورة ادامنا
وفي الاخر هيبقي الفيس
وفي الاخر نموت احنا…..!!
“الشاعر أحمد الصارم”
تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*