محام عمل فرد أمن فى أسمنت طره وتم القبض عليه وأخرون بتهمة اثارة العمال

الرسالة كتبها ابن عمه “عمرو عرفة” قال فى سطور رسالتة : 

ده اسماعيل ابن عمي المحامي وبيشتغل فرد امن وحامد ربنا هو دلوقتي محبوس في قسم المعادي مش عشان هو حرامي ولا قاتل ولا بيبيع مخدرات!!
هو واكتر من 18 زميل محبوسين ظلم لمجرد رفعوا دعوة قضائية ضد شركة اسمنت طره لتعينهم لانهم شغالين من حوالي 15 سنه بدون عقود ولا اي ورقة!!

الشركة زعلت اوي منهم وعملت تعاقد مع شركة امن وعايزين يطردوهم من الشركة العمال رفضوا وكل واحد فيهم كان بيروح شغله بدون ما يعطل اي انتاج وتم اثبات ذلك بالمستندات في النيابة : الشركة اتصلت بالشرطة اكتر من مره والشرطة رافضة تقبض علي حد عشان مافيش اي تعطيل للانتاج ولا اي مشكلة وفي لحظة نزلت قوات خاصة واخدت اسماعيل وزملائه من شغلهم والتهمه مقاومة سلطات والسلاح ( زلطة) !! ايوه زلطة سبحان الله
 
 
المهم كان المفروض يروح هو وباقي العمال المحكمة النهاردة والتحرك من قسم المعادي لحد محكمة البساتين يعني حوالي عشر دقائق بالعربية وللاسف العربية بدل ما تروح المحكمة راحت لسجن مايو وبعد ما ميعاد المحكمة راح رجعوهم تاني للقسم لدواعي امنية برضوا سبحان الله وحسبي الله ونعم الوكيل
 
 
استاذ اسماعيل هو وزملائه محبوسين من قبل رمضان بيومين لحد دلوقتي ظلم بعيد عن اولاده اللي كل يوم بيعيطوا عشان عايزين يشوفوا ابوهم المحبوس ظلم والاستاذ اسماعيل عبدالقادر كل الناس بتشهد علي اخلاقه وطيبة قلبه واحترامه للناس واسف علي الاطالة بس الواحد تعب من السكوت

عمرو عرفة    

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*