اغيثونى شرخ فى جمجمة ابنى بسبب اهمال احدى حضانات الأطفال فى حلوان

الشكوى من أم للطفل “اسر محمود احمد” ضد حضانة اسمها “فيوتشر” وقالت ان ابنها وزميلة وقعوا على حديدة والمشرفين فى الحضانة سابوهم ولم يتم اسعافهم حتى تطورت الحالة واكتشفت اصابة ابنها بتجمع دموى فى الراس وشرخ فى الجمجمة وقالت فى رسالتها لجريدة حلةان اليوم لازم تحذروا الناس منها عشان محدش يقع ضحية اهمالهم وقالت انها قامت بتحرير محضر شرطة ضد المشرفين واصحاب الحضانه المذكورة
 
صباح الخير عايزة اعمل شكوى على حضانة ابني اللي اللى دخلتة فيها فقط من ثلاث ايام لما تسببوا باهمالهم لحادث لابني ادى لشرخ في الجمجمة وهوا على المخ وتجمع دموي خلف الاذن نتيجة نزيف داخلي
 
 
واى وحدة تودي اولادها حضانة تنأكد كويس انهم بيتقوا ربنا بالاطفال نتيجة الاهمال ابني وقف على كرسي المرجيحة بالحضانة ووقع وقام وقف المرجيحة وهيه راجعة خبطته تاني بدماغه من ورى وودانه حصله شرخ بالجمجمة والجديد تجمع دموي ورى الاذن اكيد السبب نزيف داخلي واحنا مكناش نعرف حسبي الله فيهم
 
 
والمديرة بدل ما تساعد باي حاجة قالتلي احنا مش مسؤلين وابنك بقى كويس ووقف قدامنا لو عنده شرخ مكانش هيقف كده وطردتني من الحضانة وشتموني هيه والميس المحترمة وكانوا هيضربوني وقالولي بعد اسبوع جاية تتكلمي انتي اصلا كدابة وهو ما عندوش اي حاجة حسبي الله ونعم الوكيل فيكم قاعدين ترغوا وسايبن ابني وصاحبه بالمنظر ده فوق الحديد وتقوليلي قضاء وقدر
 
 
وانتي وظيفتك ايه غير انك تنتبهي عالاطفال اللي بتاخدي منهم فلوس وخبوا عليا ان ابني اتخبط وما قالوش الا بعدها بخمس ساعات لما الولد دخل بحالة اغماء وقعدت اتحايل عليهم يقولولي ماله قالتلي ده تخبطت وهو بيلعب خبطة صغيرة وما عيطش وابني مصاب بخبطة ربنا يعلم مدى خطرها عليه

 

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*