مشروع البايو جاز : الوقود الحيوي من الكلاب الضاله

بقلم : عبد الرحمن هريدى
انا معاك ان الكلاب الضاله بتثير الهلع و الزعر الماره. . و ربما تكون حامله لأمراض كثيرة جدا نتيجة لانها وسط النفايات و القمامة . و قد تهاجم الأطفال او الكبار لأي سبب و تعقرهم .وانها كثرت بشكل مخيف للغاية. و لكن هل يجوز أن تقوم باعدامهم دون ان تحمل النافق منهم حتي لا يتحلل في الشارع و يجلب أمراض أكثر و روائح كريهة و حشرات مؤذية البشر ؟
شغل مخك. … في حاجة اسمها “بايو جاز” سمعت عنه قبل كدة؟؟؟ أيوة “البايو جاز” دة هو الوقود الحيوي اللي بيستخلص من المخلفات العضوية …. و المخلفات العضوية يعني كائن حي او مخلفات كائنات حية بها “خلايا” قابله التحلل .
طيب زي ايه مثلا؟
زي مخلفات مجازر الماشية و الدواجن و الاسماك وزي المخلفات الزراعية مثل قش الأرز و مخلفات مصانع الأغذية النباتية . وزي ورد النيل اللي بياخد من حصتنا في المياه و بيمنع نمو الثروة السمكية و بيكون ملاذ القوارض و الثعابين في الترع و المصارف. وزي ((الكلاب و القطط الضاله)) اللي انت يتموتها و ترميها و انت بتقول انك هتعدم 1000 كلب ضال من منطقة واحدة يعني ثروة في المشروع دة.
طيب اية المطلوب منك؟
المطلوب انك تجمع الكلاب دي حية او بعد اعدامها و وضعها في أحواض او ابار معدة خصيصا و يتنزل عليها بعض العناصر الاخري و بعد مدة وجيزة بيكون عندك ((غاز الميثان)) القابل للاشتعال و الذي هو بمثابة ((غاز طبيعي)) ناتج من تحلل خلايا الرمم و الحيوانات النافقة و المخلفات العضوية التحري.
طيب دة نعمل بيه ايه؟
ممكن تعمل بيه حجات كتير …… تملئ بيه انابيب الغاز للاستخدام المنزلي ((حل أزمة الانابيب )).
تستخدمة كاوقود للسيارات التي تدار بالغاز الطبيعي ((حل أزمة وقود السيارات)).
تستخدمة في المصانع اللي بتحتاج لغاز او طاقة حرارية ((حل ازمة المحروقات)).
شوف بقا انت هتوفر كاااام الدوله فلوس رفع المخلفات و شيلها و حطها علي الفاضي. شوف هتوفر كااااام للدوله من النقد الأجنبي اللي بتستورد بيه مواد بترولية من برة .
شوف كام فرصة عمل جديدة للشباب ممكن تقلل من حجم البطاله اللي ملائت البلد و وفرت كام جريمة سببها عاطل. شوف ازاي ها تساهم في الحفاظ علي البيئة و النظافة العامة. بزمتك مش كدة احسن و لا لازم تعملو مشاكل بالتصرف بهمجية و سوء تصرف؟؟
فكر و نفذ
بقلم : عبدالرحمن هريدى
عبدالرحمن هريدى

مقال بقلم \ عبدالرحمن هريدى

تعليقات فيس بوك

2 تعليقان

  1. مشروع التخلف والساديه والوحشيه..أنت محتاج لعلاج ..بيننا مرضي نفسيين أمثالك وإن لم ينجح الطب معهم فيجب حرقهم أحياء -كما إقترحت علي مخلوقات الله المسكينه- لأنكم تشكلون خطراً علي المجتمع والبيئه..أنت فاشل وقذر وحقير.

  2. حسبي الله ونعم الوكيل ايه كميه التخلف والوحشيه وعدم الانسانيه دا ايه الجباروت دا يعمى ايه تجمع الكلاب والقطط الضاله حيه او ميته انت عبيط انت مستوعب اللى بتقوله انت مدرك لكميه الجرايم اللى بتحرضلها …. طب ايه رئيك نجمعك انت والبلطجيه والمتخلفين اللى زيك مانتو ضالين بردو نجمعكو اخياء او اموات ونفذ فيكو العمليه الجميله دى ونوفر للبلد كل الخدمات اللى انت قولت عليها
    حسبي الله ونعم الوكيل حسبي الله ونعم الوكيل حسبي الله ونعم الوكيل تتعذب دنيا واخره انت وكل اللى زيك
    هدعى عليكو كل يوم ف الايام الايام المفترجه دى ومش انا لوحدى فى كتير جدا هيدعى عليكو وربنا هيستجاب وهينتقم منكو
    حسبي الله ونعم الوكيل

اضف رد

لن يتم نشر البريد الإلكتروني . الحقول المطلوبة مشار لها بـ *

*