المقال الممنوع من النشر فى جريدة الوفد “إشراقات” بقلم : عصام العبيدي

” الورق ورقنا..والدفاتر دفاترنا !”
* الشيخ مبروك..مع العمدة عتمان. .هما معا سبب خراب البلاد..فى الفيلم الشهير ” الزوجة التانية “..وهو واحد من أعظم كلاسيكيات السينما المصرية..وهما للأسف موجودان فى كل زمان ومكان !!
عصام العبيدى

عصام العبيدى

فالأول شيخ فاجر يدفع السلطان للرذيلة..ويبرر له كل خطيئة. .
اما الثاني فهو سلطان جائر..افسد البلاد والعباد ..وهو – لفرط غبائه – يعتبر الشيخ مبروك ناصحه الأمين. .وصاحب الرأى السديد.
ومن هنا تضيع البلاد..بسبب فحش و إجرام الاتنين !!
بإختصار هما أقذر ثنائي على كوكب الأرض. .شيخ داعر وفاسد..وسلطان أحمق وجاهل!!
 
 
 و ها نحن نسمع..صوت الضمير يصرخ.. إوعى توقع يابو العلا..إوعى توقع يابو العلا..إوعاك توقع يا وله !!
* الجوازة .. دي باطله. .من ساسها لراسها..وإسألني انا !!
” فاطنه ” دي مراتك..وأم عيالك..عرضك وشرفك ياجدع..ما تتخلاش عنها بالطريقة دي
* لغاية النهاردة اقولها بكل صدق :
لو طلعت الجزرسعودية،ياخدوهم وعليهم ميت بوسه
بس المهم.. لوتطلع سعودية !!
 
 
 وبالمناسبة دي.. لي صديقي حبيب ..مقيم بمدينة ” الشيخ زايد “باكتوبر ..من يوم حكاية تيران وصنافير دي..مابينامش الليل خايف م الإمارات،تطالب بالمدينة..ويضيع عليه الدار والدوار !
إنفد بجلدك يا وله..وخد العيال وإهرب..الدور عليكم يا جدع !!
{ حزب الزور ..والرز السعودي !! }
سألت داعيه من حزب الزور : اخبرني يا مولانا..هل الرز السعودي..حلال وﻻ حرام ؟!
 
 
 اجاب : حسب الحالة يا سيدي
قلت : ازاى يا مولانا ؟!
أجاب : يعني الرز ده..لو أكلناه سوا إحنا الاتنين..يبقى حلال بالهنا والشفا.. لكن لو أكلته لوحدك.. يبقى حرام..وتطفحه بالسم الهاري !!
قلت : يبقى خلاص فيفتي..فيفتي يامولانا..والرز السعودي كتير وما بيخلصش..ويا ناس يا فل ..الرز للكل !!
* لو كنت مكان السيسى..لإستثمرت هذا الغضب الشعبي العارم للاتفاقية..ف التفاوض مع السعودية !!
 
 
يعني حتى ف الكورة – أهيف حاجه -بنستعين بحكام أجانب،ضمانا للحياد
قوم نيجي في ” الأرض “ونقول بلاش من التحكيم الدولي..رغم انه الحل الأنسب للقضاء على الفتنه..التى اشتعلت فى ربوع مصر !!
وربنا قادر..ينتقم من كل من تسبب..فى هذا التشرذم والانقسام..الذى أصاب بلدي !
{ جمعة.. الأرض }
وبعدها جمعةالعرض،وبعدها جمعةالطول
أبوس إيديكم…بلاش”موال” 25 ينايرالدامي ده..كفايانا دم وسقوط شهداء فى كل يوم !!
بقلم : الصحفى والأعلامى
عصام العبيدى

 

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*