العالمى محمد صلاح نجم ليفربول يترك العالم كله لحضور دورة رمضانية فى بلدتة مسقط رأسة فى بيسون

ليس غريبا ان النجم العالمى محمد صلاح ورغم أنه بلا ادني مبالغة نجم عالمي ونازل مصر اجازه بعد ما خلص إجراءات تعاقده مع ليفربول وكان ممكن يقضي اجازة العيد دي يتنقل بين القنوات متحدثا عن تجربته المقبله مع ليفربول ويلم قرشين حلوين مقابل استضافته واحتمال كبير يكونوا بالدولار كمان

إلا انه ساب كل ده وفضل يقضى أجازة العيد وسط اهله في مسقط راسة قريته التابعه لمركز بسيون بمحافظة الغربيه، يوزع جوايز الدورة الرمضانيه في مكان بسيط علي كراسي وترابيزات خشب عفويه كده ، وميداليات وكؤوس عاديه جدا من اللي كنا بنشتريها من محلات الأدوات الرياضيه دي أيام المدرسه،

 

ورغم انه عامل زحمه في بلدهم ولامم عليهم اطفال وشباب القري المجاورة عشان التصوير الا انه مزهقش واتصور معاهم كلهم بصبر وطوله بال، نموذج رائع بصراحه تحسه كده إبن أبو تريكه وللا حاجه، انسان نادر في زمان مادي قاسى بتمنالك من قلبى كل التوفيق وأن ربنا يحفظك يا أبوصلاح

تصوير أحمد عبدالناصر

   

تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*