استقبال مستشفى النصر بحلوان يترك امرأة صدمتها سيارة على الارض لمدة ساعة بدون اسعافات

وصلتنا هذه الرسالة من القارى مصطقى مجدى شاهد عيان هذه الواقعة “قال” فى رسالتة
امبارح وانا مروح الميكروباص اللى انا راكبه خبط واحده ست كبيره فى طريق اتجاه كفرالعلو عند مفكو حلوان والطريق هناك مظلم جدا فى الليل وكمان السواق مكنش معاه نور فى العربيه …
استقبال مستشفى النصر التأمين الصحى بحلوان

استقبال مستشفى النصر التأمين الصحى بحلوان

وانا بقى لى ثلاث شكاوى
الأولى .ليه ااعمدة الانارة فى طريق الكورنيش وهو طريق حيوى جدا لم تكن مضائة مما سبب وقوع مثل هذه الحادثة وحوادث اخرى مشابهه لها وابشع منها وليه بيكون فى كشافات شغال فى عز الظهر فى الشارع وهذا اهمال إهمال حكومه
 
 
الشكوى الثانيه اننى اتصلت بعربيه الاسعاف اثناء الحادث ولا احد اهتم وفضلت الست مرميه نص ساعه مافيش عربيه اسعاف جتلها .واحنا طبعا خايفين نشلها علشان ميحصلهاش حاجه غلط اثناء حملها من على الأرض.المهم خدناها فى المكروباص بعد مرور نصف ساعه ولا يوجد عربيه اسعاف
 
 
الشكوى الثالثه : استقبال واهمال مستشفى النصر فى هذا الحادث .الست فضلت “مرميه فى الاستقبال على الارض مش على سرير.قسما بالله على الأرض” وكل ما ندور على حد فى الاستقبال كل دكتور يقول ده مش تخصصى والست بتموت ولا دكتور قربلها ولا اى اسعافات .وبعد مرور نص ساعه فى دكتور عظام حضر طبيب عظام يكشف عليها  : الى متى هذا الأهمال والأستهتار بأرواح الناس سواء كان من وء الخدمات فى الطرق والتى اصبحت تسبب كوارث وحالات وفيات ناتجة عن حوادث واهمال المستشفيات العامة التى يلجأ اليها الفقراء الذين ليست لديهم امكانيات مادية للعلاج فى المستشفيات الخاصة 
إهمااااال
ارجو النشر والرد
مصطفى مجدى
تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*