شكوى : زوجى اشترى ارض بعزبة زين فى حلوان وبلطجية استولوا عليها

زوجى اشتري ارض من 30 سنه في عزبه زين من الرجل اللي اسمه الزيني الذى تمت تسمية عزبة زين بأسمة وبعد شرائة الارض قام ببناء غرفه كبيرة علي الارض وجعلها مسجد مؤقت وزرعها اشجار وفرشها سجاد وسبها لوجها الله من خمس سنين راح يصلي في المسجد ده فجأة وجدها ورشه سمكرة سيارات وزوجى كان قعيدا يخرج من ان لأخر قال لهم دى ارضي واحضر لهم الورق فقالوا له عاوزين  فلوس علشان نسيب الارض دفع لهم عشرة الااف جنيها وراح جاب واحد لمشاركته في البناء وقام ببنائها فعلا
 
محل وشقتين كل لما زوجى يبني يقوم هؤلاء بسرقة الاسمنت والطوب ولما يسألهم ليه يقلوله هات فلوس وتهجموة علي زوجى وهوة كان عندوة شلل وقعيد رموة من علي الكرسي ووضربوا ابنتى وتهجموا عليها بعدها توفى زوجى بسكته قلبيه من كثرة الزعل من ثلاث سنوات وعاد هؤلاء البلطجية مرة اخرى والأن يساوموننا على اعطائهم 50 الف جنية اما ان ننسى البيت تماما
 
 
احنا منعرفش اسمائهم الحقيقية بس هما مشهرين اوي في حلوان وعزبه زين ومسجلين خطر عملنا محضر عملنا استغاثه للنائب العام ولوزير الدخليه روحنا النيابه العامه كل ده من 2013 لحد النهاردة محدش استجاب والبلطجيه كل يوم يتصلوا بينا لتهديدنا واحنا تعبنا سرقه علبه الكهربه وموسير المياة والطوب وكل حاجه حسبنا الله ونعمه الوكيل
ومرفق عقود شراء الأرض ومحضر شرطة
مقدم الشكوى
امال السيد عوض علي
تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*