هذه هى الكارثة التى واجهناها بسبب استشارى بمستشفى الانتاج الحربى بحلوان

نداء الي المسئول بمستشفي الانتاج الحربي : حدث امس الاثنين الموافق السابع من اغسطس لعام 2017 وفي مستشفي الانتاج الحربي حدث شيء لم يتوقع وذلك لم يحدث حتى فى اى مستشفي حكومي عامة وانما في مستشفي خاص لقد حجز اخي الصغير بالعنايه المركزة بسبب تشخيص خاطيء من احد الاطباء الاستشاريين العاملين بمستشفي الانتاج الحربي بانه قد اصيب بجلطة في القلب وذبحة صدريه
ولكن بعد حجزه يومين بالمستشفي وبعد اجراء الاشعة والتحاليل الطبية ودفع مبلغ كبير من المال تبين بانه في كامل صحته وانه كان مجرد شك واشتباه والحمد لله انكم اطمنتم عليه ده اللي الدكتور قاله، المهم ادفعوا الفلوس علشان تعملوا جواب الخروج ومش مهم الام اللي كانت هتموت علي ابنها ومش مهم الاخوة والاهل اللي اتصدموا بالخبر، المهم مش دي المشكله وانما اثناء زيارتنا له بالعنايه المركزة حدثت الكارثة الكبري حيث الاهمال
 
 
وعدم وجود اي رحمة بالمرضي اللي المفروض انهم اكتر مرضي محتاجين لرعايه خاصة واهتمام اكبر وذلك بسبب التمريض نعم اللي المفروض يكونوا ملائكة الرحمة حيث تنازعوا مع الزائرين باصواتهم العاليه والفاظهم بداخل العنايه المركزة دون شفقه او احساس بالمرضي وتعبت احدي المريضات بسبب الصوت العالي وطردوا جميع الزائرين الي ان داووا المريضة ثم ابتدوا في دخول الزيارات مرة اخري،
 
 
والغريبه ان هناك كاميرات مراقبة في العنايه المركزة وفي كل انحاء المستشفي الخاص، هو لو كان فيه مراقبه او حتي ضمير حي كان الاهمال ده حصل، بجد الواحد بقي مش عارف ايه الفرق بين المستشفيات الخاص والحكوميه بصراحة لا تعليق.ومعي الفيديو اللي بيثبت هذا الكلام ولكني لم اقوم بنشره حتي يقوهم المسئول عن المستشفي بتفعيل الكاميرات الخاصة بالمستشفي ومعاقبه التمريض الذين اتبعوا اسلوب غير حضاري مع الزائرين، ولكم مني خالص الشكر ايها المسئولون، وحسبي الله ونعم الوكيل في كل ضمير غير حى
الشاكية : فايزة محمود
تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*