شكوى : بيزنس الزى المدرسى داخل مدارس حلوان

كان قرارا صائبا للدكتور احمد الحنفى فى تصنيع وبيع الزى المدرسى داخل مدرسة الصنايع بنات وبيعه لطلاب مدارس #حلوان والقرار كان من اجل تنمية موارد المدارس التابعة للأدارة
لكن ماحدث
ان مدارس كثيرة اخذ مديرينها ثمن الزى المدرسى من اولياء الأمور ولم يتم تسليم الزى المدرسىى لهم حتى الأن ونحن فى اليوم الخامس لبدأ العام الدراسى
وبعض المدارس باعت الزى المدرسى بأغلى الأسعار واولياء الأمو مضطرين لدفع الثمن من أجل أبناءهم
ففى مدرسة عزبة الوالدة الأعدادية بنات قاموا ببيع الزى المدرسى بمبلغ 220 جنيها رغم انه موجود فى كثير من المحلات بسعر لايزيد عن 150 جنيها وبعض الطلاب لم يستلموا الزى حتى الأن : وفى مدرسة أم المؤمنين الثانوية بناتتم بيع الزى المدرسى الواحد لأولياء الأمور بمبلغ 450 جنيها بينما موجود فى محلات #حلوان وعلى سبيل المثال محل ال البيت بمبلغ 200 جنية الزى كامل وبخامات جيدة
وفى مدرسة عرب الوالدة بيبعوا التيشرت بـ 100 جنية وسعرة فى المحلات 65 جنية وبخامة افضل
أما الكارثة الكبرى فى مدرسة عاطف السادات الثانوية بنين فقد قام ناظر المدرسة بجمع فلوس الزى المدرسى من جميع الطلبة وحتى الأن لم يتم تسليم الزى للطلبة رغم ان الفلوس تم جمعها من الطلبة واولياء الأمور قبل الدراسة بأسابيع ونحن الأن فى اليوم الخامس لبدأ العام الدراسى والطلبة يدخلون المدرسة بدون الزى الرسمى اللى دفع اهاليهم فلوسة من دم قلبهم
وفى مدرسة حلوان الثانوية بنين تم اجبار أولياء الأمور على دفع مبلغ 350 جنيها ثمن الزى المدرسى وأولياء الأمور بيشتكوا ان الخامات سيئة جد : وفى مدرسة ام الابطال الاعدادية بنات بيبيعوا التيشرت بـ 95 جنية رغم انه فى محلات ال البيت بـ 75 جنية بجميع مقاساته وطبعا الخامة افضل كتير
وفى مدرسة رفاعه الطهطاوى الأبتدائية يقوم مسؤلين بالمدرسة بتوجيه اولياء الامور الى بعض محلات السلفين طبعا بيخلط السياسىة فى التعليم وكمان بيبعلهم التيشرت بـ 95 دنية بينما فى بعض المحلات بـ 65 جنية
تعليقات فيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*